بــــيــــروت

شعر: هنري زغيب             لحن: أُسامة الرحباني           غناء: هبة طوجي

بيروت… بيروت

والـحُبّ بْـأَوّلو   والحلْم بْأَوّلو

والليل الطويلْ

عَ المسافه يميلْ

ينسانا خيالَين بين القناديلْ

***

يومَا  كنّا  اتْنَينْ         والشارع حنينْ

غامِــــــــــــــرنا  قلبَينْ         وبِـقلـــــــبو  رنينْ

والرصيف  مبلَّلْ        بالشجر   الحافي

وأَنا حدَّك إِسأَلْ                وتقلّي: “لا تخافي”

والحُبّ بْـأوّلو  والحلْم بْأوّلو

والليل الطويلْ

عَ المسافه يميلْ

ينسانا خْيالَين بين القناديلْ

***

والهـوى يسبَقْنا         واليــــــــــمـام الأَليفْ

والشـتي يلحَقْنا          عَ طول الرصيفْ

وإنتي تــغْمرينا            بِــــلَـــيـــلِك  تغْمرينا

ومدري كيف تْضَوّي    كـــــــلّ  الدني فينا

والحُبّ بْـأوّلو  والحلْم بْأوّلو

والليل الطويلْ

عَ المسافه يميلْ

ينسانا خْيالَين بين القناديلْ

_______________________