شعر: هنري زغيب لحن: جوزف خليفة غناء: جمانة مدوّر
يـا أَوَّل الكِلْمِه يا سَيِّـد الزمان
عَـذابَك يْنَمّي خَلاص الإنسان
اعطِينـا بِآلامَك نِستـاهِل النُّور
وإمَّك الْـ قِدَّامَك بِقَلبا الْمَكسور
تِحمِل من صَليبَك
الـوَجَع الرَّهيب
يا وَلَدي وَحيدي يا إِبني الحبيب
***
أَيَّ قهر أَقـوى بِقَلْبي…ويْدُوب
مِـن إنَّك تِتْلَوّى قِدّامي مَصلُوب
خاصِرْتَك إشـارَه مْسامير بْإيدَيْك
واسفنجِةْ مـرارَه وإمَّكْ عَ إجْرَيْك
ويِنْشَـقّ الفَضا
و يْعَتِّم الْمَغيب
يا وَلَدي وَحيدي يا إِبني الحبيب
***
غُفـران الخطايا فَرَحَك وْهَمَّك
وأَعظم الـعَطايا تفْدينا بِـدَمَّك
ضُوَّيْـت الليالِي بْصَوتَك والعينَيْن
وتَـمَّـمْتا رسالِه حَياتَك ما بَيْن
خَشْـبِة الْمَغاره
وخَشْبِة الصليب
يا وَلَدي وَحيدي يا إِبني الحبيب
_______________________________