كلمات: هنري زغيب ألحان: جان لبكي غناء: ماجدة الرومي
كلما نجي ننام القمر بيحرسنا
بيوقف ع الشباك سهران ويحرسنا
كل ما بيجي الضو ومنوعى عالضو
القمر بيتخبى والليل بيتخبى
بيروحوا بناموا تا يخلص الضو
وبيرجعوا ليلية يطلعوا سوا
يا قمر.. يا قمر.. نحنا نعسنا
على روس السجر ضلك حارسنا
يا رفيقي القمر يا رفيق الأيام
ع طول مرافقني حتى بالمنام
بتطلع بالشباك وبشوفك بالشباك
وبتطلع بالمي وبشوفك بالمي
قلي وين بيتك ومنين بتجي؟
وإن شي ليلة بتتعب قلي وين بتنام؟
يا قمر.. يا قمر.. نحنا نعسنا
على روس السجر ضلك حارسنا
يا قمر شو باك عم تكبر وبتصغر
ليلة عم تتاوب وليلة حلو مدور
بتمرق حد النجمة أنت بتحميها
وإن مرقت شي غيمة بتتخبا فيها
بتتنقوز علينا ومنطلع فيك
لا تترك عينينا تنضل نحاكيك
يا قمر.. يا قمر.. نحنا نعسنا
على روس السجر ضلك حارسنا